Врската на пејачката Кети Пери и поранешниот канадски премиер Џастин Трудо се чини дека оди во вистинската насока, бидејќи вљубените се „честа глетка“ на големите настани.
Кети Пери и Џастин Трудо го привлекоа вниманието на јавноста кога се појавија на Светскиот економски форум во Давос. Двојката, која веќе некое време ги полнат насловните страници на странските медиуми, блесна на овој настан, а нивните насмевки и љубовни погледи беа забележливи.
И додека Трудо беше еден од учесниците на овој престижен настан, неговата миленичка беше морална поддршка. Комбинацијата што ја носеше пејачката за оваа пригода е исто така интересна.
Како што можете да видите, таа избра комплет во беж боја кој ја истакнува нејзината витка фигура и ја нагласува целата нејзина женственост.
Нејзиниот аутфит е синоним за елеганција, а можеме слободно да кажеме дека Кети Пери се потрудила сите светски лидери да бидат воодушевени од нејзиното издание.
Стајлингот го надополни со ненаметлива шминка во голи тонови, косата ја стилизираше на наједноставен начин - се одлучи за ниска пунџа и додаде златни обетки.
Што се однесува до екс премиерот - тој избра класично одело и наједноставна вратоврска.
© Vecer.mk, правата за текстот се на редакцијата
