Гледачите на „Фокс њуз“ доживеаја застрашувачки момент во четвртокот вечерта кога политичка коментаторка се онесвести во живо за време на интервју.
Камрин Кинси, поранешна соработничка на претседателот Доналд Трамп, која сега е политички коментатор, се онесвести за време на преносот во живо на „Fox News @ Night“ во четврток вечерта.
Кинси ги критикуваше коментарите на поранешниот претседател Џо Бајден во епизодата од четврток наутро на „The View“, кога рече дека не е изненаден од изборната победа на Трамп во 2024 година и го обвини поразот на Камала Харис за „с***изам“.
Таа се сети на тој настан велејќи:
- Ова е она што тие мора да го направат, тие мора да ја преработат историјата затоа што имаа неуспешна кампања, неуспешно претседателствување. Ја направија гранична царица. Таа никогаш не отиде на границата. Значи, станува збор за некомпетентност. Не станува збор за, хм, идеологија - рекла Кинси додека полека почнала да ја губи свеста и како да ја губи концентрацијата, пренесува Variety.
Коментаторката падна од столот додека водителот Џонатан Хант се обидуваше да ги држи работите под контрола, а потоа прекина со реклама.
„О, Боже, мора да повикаме помош за Камрин“, рече тој додека друг член на персоналот трчаше кон неа.
Кога емисијата се врати во живо, тој рече:
- Камрин е на нозе и се движи, лекарите сега ја прегледуваат. Ќе ве известуваме. Ѝ посакуваме се најдобро.
Портпаролот на „Фокс њуз“ сподели соопштение во кое се вели:
- Откако гостинката на „Fox News @ Night“, Камрин Кенси, се онесвести за време на настап во живо синоќа во нашето студио во Лос Анџелес, беа повикани лекари да ја лекуваат и да ја пуштат од болница. Драго ни е што слушаме дека сега се чувствува многу подобро и ѝ посакуваме брзо закрепнување.
Кинси работеше за Трамп за време на неговиот прв претседателски мандат, а подоцна беше дописник во Белата куќа за „One America News Network“.
© Vecer.mk, правата за текстот се на редакцијата
