Пејачката Аријана Гранде и актерот Итан Слејтер раскинале по три години врска. Според извори, двојката се разделила пред неколку месеци, но информацијата дури сега се појавила во јавност.
– Аријана и Итан раскинаа пред неколку месеци, но од тогаш останаа пријатели и немаат ништо освен почит и восхит еден кон друг. Ова не е одлука што ја донесоа лесно, но сфатија дека се подобри како пријатели отколку во сериозна врска – изјавил извор за „Пејџ сикс“
Изворот додал дека Гранде во моментов е среќна и целосно фокусирана на својата турнеја „Етернал сајншајн“ („Eternal Sunshine“) и подготовките за објавата на албумот „Цветно ливче“ („Petal“). Исто така е нагласено дека албумот кој е најавен за 30 јуни, не е инспириран од раскинувањето со Слејтер, за разлика од некои претходни музички изданија на пејачката, кои биле поврзувани со нејзините поранешни врски.
Гранде и Слејтер се запознале на снимањето на филмот „Wicked“, во период кога и двајцата биле во брак. Во тоа време, Гранде била во брак со агентот за недвижности Далтон Гомез, додека Слејтер бил во брак со Лили Џеј, со која има син.
– Моето семејство е само колатерална штета – изјавила Џеј, изразувајќи незадоволство по распадот на бракот.
Сепак, извори блиски со парот тврдат дека Гранде и Слејтер не направиле ништо лошо. Според нивните тврдења, Лили Џеј со право била вознемирена поради распадот на бракот, но дека Гранде не е причина за тоа. Според нив, нивниот брак завршил претходно.
© Vecer.mk, правата за текстот се на редакцијата
