Чешкиот супермодел Ева Херцигова и торинскиот бизнисмен Грегорио Маршај ја потврдија својата дваесет и петгодишна врска со венчавка во италијанскиот град Торино.
Црковна церемонија во боемски стил
Големиот свадбен ден започна со попладневна црковна церемонија во малата црква Сан Вито на ридовите во Торино, каде што невестата до олтарот ја придружуваше нејзиниот татко. Педесет и тригодишната манекенка носеше фустан во крем боја од францускиот моден бренд Ланвен во боемски стил, надополнет со бели сандали со панделки, додека младоженецот пристигна со нивните три сина зад воланот на олдтајмер автомобил Астон Мартин од 1989 година.
По црковната церемонија, сватовите се преселија во историскиот центар на градот, каде што парот ја обави граѓанската венчавка во величествената и инаку затворена сала Sala dei Plebisciti во барокната палата Палацо Карињано.
Венчавката за околу педесет најблиски пријатели и личности од светот на модата и италијанскиот бизнис, младенците ја заокружија со свечена вечера во реномираниот ресторан Дел Камбио, кој носи Мишелинова ѕвезда. Иако меѓу гостите недостигаше најавената пријателка Наоми Кембел, славната невеста сепак беше опкружена со семејството и најблиските пријатели.
© Vecer.mk, правата за текстот се на редакцијата
