Актерот Кевин Костнер е во големи проблеми откако Девина Лабела, која работела како каскадер на неговиот вестерн епски филм „Хоризонт“ вреден 100 милиони долари, поднела тужба за сексуално вознемирување –против него и продуцентите на филмот.
Девин Лабела била ангажирана како заменик на Ели Хант и според договорот, таа имала неколку сцени на сексуално насилство, но со задолжително присуство на координатор за интимност. За време на снимањето на вториот дел од филмот, во мај 2023 година, таа се појавила на снимањето, каде што Костнер и екипата, како што тврди, ја принудиле да сними сцена на силување што не била ни предвидена во сценариото, на што таа не се согласила и за која координаторот за интимност не бил присутен.
Во тужбата, таа тврди дека била сексуално дискриминирана, злоупотребена и принудена да работи во непријателска средина.
Откако првично го пријавила овој инцидент, каскадерката не била повикана назад за понатамошна работа на оваа филмска серија, ниту пак била повикана повторно од координаторот на каскадерите, со кого работела претходно.
„Тој ден се чувствував изложена, незаштитена и предадена од систем кој ми ветуваше безбедност и професионализам. Она што ми се случи ми ја уништи довербата и засекогаш го промени начинот на кој се снаоѓам во оваа индустрија“, рече Лабела.
Лабела нагласи дека само еден ден пред инцидентот, снимила сцена на физичко насилство во целосно професионални услови, што дополнително нагласува дека овој настан не бил ни блиску до очекуваните стандарди.
Адвокатот на Лабел, Џејмс А. Ванџини, ја нарече тужбата „симболична за она што е сè уште многу длабоко вкоренет проблем во Холивуд“.
Другата адвокатка на Лабел, Кејт Мекфарлан, додаде дека „случајот е јасен пример за сексистичка, машка доминирана холивудска филмска продукција“.
Според правилата на американската филмска индустрија, сите учесници во сцени што содржат голотија или сексуален контакт мора да бидат известени однапред, најмалку 48 часа однапред, и мора да дадат изрична согласност.
Адвокатот на Костнер, Марти Сингер, исто така се огласи, велејќи дека неговиот клиент секогаш се грижи сите да се чувствуваат удобно додека работат на неговите филмови и дека оваа тужба нема основа.
Во спротивно, обвинувањата за насилство за време на снимањето би можеле скапо да ја чинат холивудската ѕвезда – Костнер се соочува со затворска казна или парична казна.
Серијата „Хорајзон“ е нешто за кое Кевин Костнер не доби поддршка од големо студио, туку самиот инвестираше 38 милиони долари, а првиот филм не помина добро во кината минатата година.
© Vecer.mk, правата за текстот се на редакцијата
