Предупредувањето беше издадено откако земјотрес со јачина од 6,9 степени го погоди брегот на префектурата Ивате.
Агенцијата првично го процени земјотресот на 6,7, но подоцна го ревидираше на 6,9 степени. Американскиот геолошки завод го процени земјотресот на 6,8 степени според Рихтеровата скала.
Јапонските сеизмолози изјавија дека имало неколку последователни потреси со јачина помеѓу 5,3 и 6,3 степени.
Цунамито што ја погоди префектурата Ивате беше толку слабо што експертите не можеа точно да го измерат, соопшти метеоролошката агенција. Првичното предупредување беше за бранови до еден метар, но локалните пристаништа подоцна пријавија бранови до 20 сантиметри.
Претходно во текот на денот, во областа беа регистрирани шест помали потреси, кои едвај беа почувствувани на копно.
- Областа доживува серија сеизмички настани. Постои можност за посилни земјотреси во наредните денови, предупредија експертите од Јапонската метеоролошка агенција.
© Vecer.mk, правата за текстот се на редакцијата
