Првично беше објавено дека земјотресот бил со јачина од 5,9 степени во морето, бил на длабочина од 14 километри и се случил во близина на градот Сан Франциско во провинцијата Лејте, соопшти Филипинскиот институт за вулканологија и сеизмологија. Регистрирани се најмалку 45 последователни потреси.
Мајор Барни Катиг, началник на полицијата во градот, рече дека земјотресот бил краток, но силен. „Никој не е повреден, но најмалку 18 домови и владини згради претрпеа „мали штети“. Најмалку еден автопат има пукнатини од земјотресот, но и понатаму е прооден, рече Катиг.
Филипините се наоѓаат на огнениот прстен на Пацификот, каде што вулканската активност и земјотресите се вообичаени.
© Vecer.mk, правата за текстот се на редакцијата
