Делегација на Европската комисија, предводена од Урсула фон дер Лајен, во моментов е во посета на вториот по големина град во земјата за заеднички да го инаугурира шестмесечното претседавање на Данска со Советот на ЕУ со данската влада.
Зеленски треба да биде примен од данскиот крал Фредерик Десетти, според информациите од кабинетот на премиерката Мете Фредериксен.
На состанокот со Фредериксен, фон дер Лајен и претседателот на Советот на ЕУ, Антонио Кошта, се очекува дискусиите да се фокусираат на тоа како најдобро да се поддржи Украина, која се брани од целосна инвазија од Русија.
Се очекува да се разговара и за можен пат до членство во ЕУ. Фредериксен изјави дека Украина припаѓа во ЕУ, што е во интерес и на Данска и на Европа.
На состанокот, исто така, треба да се опфати зголемената воена поддршка за земјата, соработката со украинската одбранбена индустрија и новите санкции против Русија.
Данскиот министер за одбрана, Тролс Лунд Поулсен, вчера најави дека украинските одбранбени компании наскоро би можеле да произведуваат оружје и муниција во Данска. Дискусиите за ова прашање во моментов се водат со украинската влада, рече тој.
Данска го презеде ротирачкото претседателство со ЕУ од Полска на почетокот на месецов.
Под мотото „Силна Европа во свет што се менува“, земјата планира да се фокусира пред сè на безбедносните прашања и конкурентноста на ЕУ во наредните шест месеци.
© Vecer.mk, правата за текстот се на редакцијата
