Украинскиот претседател Володимир Зеленски ја критикуваше неподготвеноста на Германија да одобри испорака на тешки тенкови како „не добра стратегија“. „Постојат моменти кога не треба да се двоуми или да се споредува, кога некој вели „Ќе испорачам тенкови ако некој друг го направи тоа“, рече Зеленски како учесник на видео-конференција одржана за време на појадокот на Светскиот економски форум во Давос.
„Мислам дека тоа не е добра стратегија“
Притоа, тој ги коментираше медиумските извештаи дека Берлин е подготвен да одобри испорака на неговите тенкови Леопард доколку САД се согласат да испорачаат напредни тенкови Абрамс. Според американски извори, Вашингтон треба да одобри оклопни возила „Страјкер“ за Украина, но не е за испраќање сопствени тенкови, вклучително и „М1 Абрамс“.
„Мислам дека тоа не е добра стратегија“, рече Зеленски. „Нашата цел е да ја ослободиме целата територија“, рече украинскиот лидер во видео обраќањето. Украина ќе го врати под своја контрола полуостровот Крим, кој беше анектиран од Русија во 2014 година“, рече Зеленски.
Затоа ги повика западните партнери да му испратат повеќе оружје. „Крим е наша земја, наша територија, наше море и наши планини. Дајте ни оружје и ние ќе ги вратиме нашите земји“, рече тој. Западните сојузници ќе се сретнат во петок во американската воздухопловна база во Германија за да и понудат повеќе оружје на Украина.
© Vecer.mk, правата за текстот се на редакцијата
