Нуклеарната централа Запорожје во Украина повторно е без електрична енергија, информира Меѓународната агенција за атомска енергија (МААЕ). Ова е деветти пат од почетокот на конфликтот во Украина да се случи прекин во напојувањето.
Централата моментално работи со помош на резервни дизел генератори, што создава исклучително ризична состојба во поглед на нуклеарната безбедност.
Украинските власти го обвинија руското влијание за дефектот на далноводот, што ја доведе централата во енергетска изолација. Министерот за енергетика на Украина, Герман Галушченко, изјави дека руски сили го оштетиле далноводот кој ја поврзува станицата со електромрежата на земјата.
© Vecer.mk, правата за текстот се на редакцијата
