Според пораката на социјалната мрежа „Икс“ на Централната команда на Соединетите Американски Држави (ЦЕНТКОМ), носачот на авиони „Карл Винсон“ му се придружил на носачот на авиони „Хари Труман“, за кој Хутите тврдат дека неколку пати го нападнале последните недели.
Американската војска не прецизираше каде точно на Блискиот Исток ќе плови оваа втора група авиони.
Според американски воен претставник, САД извршиле повеќе од 100 напади врз цели во Јемен откако ја започнаа својата последна воена кампања против бунтовниците поддржани од Иран во средината на март.
Од крајот на 2023 година Хутите, кои контролираат големи области на Јемен, напаѓаат бродови во близина на брегот на земјата во Црвеното Море и Аденскиот Залив.
Хутите тврдат дека нивните постапки се знак на солидарност со Палестинците во Газа.
© Vecer.mk, правата за текстот се на редакцијата
