Сликите се создадени со помош на апликација која користи вештачка интелигенција за да создаде слики од луѓе без облека.
Група мајки од Алмендралеј, град во регионот Екстремадура, пријавиле дека нивните ќерки добиле слики на кои се голи. Мајката на Миријам Ал Адиб го искористила видеото објавено на нејзиниот Инстаграм профил за да ја подигне свеста за ситуацијата.
Една од ќерките ѝ кажала дека некој со апликација ја снимал како да е гола, а после тоа дознала дека истото им се случило на уште десетици девојки. Франциско Мендоза, претставник на регионалната влада, за локалниот медиум Канал Екстремадура изјавил дека полицијата идентификувала некои од младите луѓе кои можеби биле вклучени во правењето на сликите.
Во понеделникот, Пилар Порон, мајка на уште едно од девојчињата, изјавила дека нејзината ќерка од еден нејзин пријател дознала дека се појавила гола на фотографија.
Фатима Гомез, друга мајка, рече дека едно момче се обидело да изврши изнуда на нејзината ќерка користејќи лажна слика. Ќерката ѝ покажала разговор со момчето кое барало да му испрати пари, а кога ќерката одбила, момчето ѝ испратило изменета слика на која е гола.
Портпаролката на високиот суд во Екстремадура изјави за Си-Ен-Ен дека полициската истрага е во тек. Националната полиција не одговорила на барањата за коментар.
© Vecer.mk, правата за текстот се на редакцијата
