– Десет мажи уапсени на ранчот Исагире се осудени за три кривични дела против три жртви: киднапирање, киднапирање со отежнувачки околности и убиство, се наведува во соопштението.
Ранчот, кој од 2021 година бил користен од нарко-картелот „Халиско нова генерација“ за регрутација и обука, предизвикувал страв во регионот.
Покрај долгите затворски казни, осудените ќе треба да платат и отштета од 1,3 милиони песоси (околу 65.000 американски долари) на семејствата на жртвите.
Обвинителството потсетува дека лицата биле уапсени во септември 2024 година по дојава за престрелка. По пристигнување, Националната гарда била нападната, по што возвратила со оган и успеала да влезе во ранчот. Внатре биле уапсени десет лица, пронајдено е тело на починат маж и ослободени се две лица кои биле држени против својата волја.
Судот пресудил една од најстрогите казни предвидени со законот за вакви случаи.
© Vecer.mk, правата за текстот се на редакцијата
