Видео: Во Кувајт се урна американски Ф-15, пилотот се катапултираше

Пилотот на Ф-15 е преживеан, откако успеал безбедно да се катапултира, а по слетувањето за него се погрижила група локални жители.

Засега нема реакција од САД.

Тензиите на Блискиот Исток дополнително се зголемија во последните денови, а воздушниот сообраќај над неколку земји во регионот е речиси целосно милитаризиран. Кувајт е долгогодишен сојузник на САД и една од клучните логистички точки за американската војска во Персискиот Залив.

BREAKING:

Reports of a U.S. F-15 fighter jet having been downed over Kuwait moments ago in a friendly fire incident pic.twitter.com/rWHxiaPbl1

— Visegrád 24 (@visegrad24) March 2, 2026

Во земјата има важни американски бази и складишта за опрема, а кувајтскиот воздушен простор често го користат американските и сојузничките воени авиони за време на операциите во Ирак, Сирија и пошироко.

Ф-15 е американски повеќенаменски борбен авион од четврта генерација, развиен во 1970-тите, но сепак еден од столбовите на американските воздухопловни сили. Познат е по своите исклучителни способности за воздушна супериорност, голема брзина (над 2,5 маха) и моќно вооружување кое вклучува ракети воздух-воздух и прецизно наведувани бомби.

BREAKING:

The U.S. F-15 fighter jet pilot who was down over Kuwait moments ago in a friendly fire incident is alive.

He ejected and is now being taken care of by a group of Kuwaitis pic.twitter.com/XhIZK5rUTW

— Visegrád 24 (@visegrad24) March 2, 2026

Различни верзии на Ф-15 ги користат и голем број сојузници на САД, вклучувајќи ги и земјите од Персискиот Залив.