Потпретседателот на САД, Џеј-Ди Венс изјави дека Вашингтон очекува и Украина и Русија да се откажат од некои територии за да постигнат мировен договор, пренесе Укринформ, повикувајќи се на агенцијата Блумберг.
Според него, демаркациската линија веројатно нема точно да се совпаѓа со сегашната линија на фронтот, но ќе биде блиску до неа.
„Сегашните линии (на фронтот) или нешто блиску до нив е местото каде што мислам дека може да се повлечат новите линии во конфликтот. Тоа значи дека, како Украина, така и Русија ќе мора да се откаже од која било територија што моментално ја контролира. Ќе биде потребна одредена територијална размена“, рече Венс за време на неговата посета на Индија.
Сега е време земјите да го прифатат американскиот предлог или Вашингтон ќе се откаже од преговарачкиот процес, смета американскиот потпретседател.
„Време е вие (и двете страни) или да кажете „да“, или САД да го напуштат овој процес“, нагласи Венс.
Минатата недела американскиот претседател Доналд Трамп предупреди дека е подготвен да се откаже од напорите за ставање крај на војната во Украина, доколку наскоро не се постигне договор меѓу двете страни, потсетува Укринформ.
© Vecer.mk, правата за текстот се на редакцијата
