„Транснефт“ ја потврди смртта на Андреј Бадалов, но не коментирале за околностите. Компанијата соопшти дека работел под „тешки и стресни услови“ обележани со западните санкции.
Телото на Бадалов е пронајдено под прозорецот на куќа на автопатот Рубљово-Успенское, објави државната новинска агенција ТАСС, повикувајќи се на неименуван полициски извор, како што објави независниот руски медиум „Москва тајмс“.
„Прелиминарната причина за смртта е самоубиство“, рече изворот, додавајќи дека е во тек прелиминарна истрага.
Бадалов ја надгледувал дигиталната трансформација на Транснефт од неговото назначување за потпретседател во јули 2021 година.
Неговата смрт е најновата во низата необјаснети мистериозни смртни случаи меѓу високи раководители во енергетскиот сектор на Русија откако земјата започна целосна инвазија на Украина во февруари 2022 година. Најмалку четири смртни случаи во 2022 година беа поврзани со државниот енергетски гигант Газпром, додека други вклучуваа раководители на Новатек и Лукоил.
© Vecer.mk, правата за текстот се на редакцијата
