Според првите информации, „во Севастопол делувала противвоздушната одбрана“, напиша утрово на Телеграм рускиот шеф на окупираната територија Михаил Развошеев.
Фрагменти од проектил паднале во областа северно од градот, каде што се наоѓа главната база на Црноморската флота, додаде тој. Ова не може да се потврди независно. Фотографии од облаци од чад во воздухот кружат на социјалните мрежи, што укажува на тоа дека во погодената област се наоѓа руско складиште за муниција.
Possible additional angle of the smoke plume seen this morning in Russian-occupied Sevastopol. pic.twitter.com/W8Wk6tguwz
— OSINTtechnical (@Osinttechnical) September 23, 2023
Слично на нападот вчера кога руската страна првично зборуваше само за паѓање на фрагменти од ракета, но на крајот украинскиот напад се покажа многу поуспешен: украинските проектили сериозно оштетија важна и симболична зграда на руската морнарица.
Сè уште не е познато колку воен персонал загинал или се ранети во вчерашниот напад. Руските власти потврдија дека едно лице загинало, но подоцна ја коригираа таа информација и велат дека само едно лице се води за исчезнато.
Шефот на украинското воено разузнавање Кирил Буданов подоцна во интервју изјави дека најмалку девет Руси се убиени, а 16 се ранети, вклучително и генерали.
Војната на Русија против соседна Украина во петокот влезе во својот 20-ти месец. Бродовите на руската Црноморска флота редовно истрелуваат ракети врз украинските градови. Во последните неколку недели, украинската армија постојано ги оштетуваше руските воени објекти - меѓу другото и на Крим.
© Vecer.mk, правата за текстот се на редакцијата
