- Ќе имаме важни разговори со нашите американски партнери за деталите за мировниот договор, истакна Буданов.
Тој додаде дека во Мајами допатуваа и шефот на Украинската служба за безбедност Рустем Умеров и преговарачот Давид Арахами, кои ќе разговараат со специјалниот пратеник на американскиот претседател, Стив Виткоф, со зетот на Доналд Трамп, Џаред Кушнер и секретарот на САД за копнената војска Ден Дрисол.
- На Украина и е потребен мир. Се движиме кон резултати, посочи Буданов.
Во нацрт-договорот за завршување на речиси четиригодишната војна на Русија во Украина, неколку главни точки не се решени, првенствено територијалното прашањето.
Претседателот на Украина, Володимир Зеленски вчера наведе дека делегацијата оди во САД за да ги „разјасни“ подготвените документи од Американците, за позициите на Русија.
- Доколку сè биде финализирано и американската страна даде одобрение … потпишувањето (договор) ќе биде можно следната недела, за време на Светскиот економски форум во Давос.
Трамп пред три дена изјави дека рускиот претседател Владимир Путин е „подготвен да склучи договор“, но оти Зеленски го успорува процесот.
© Vecer.mk, правата за текстот се на редакцијата
