„За слепите унгарски функционери. Точната рута на вчерашното упадување на беспилотно летало од Унгарија во украинскиот воздушен простор. Нашите вооружени сили ги собраа сите потребни докази и сè уште чекаме Унгарија да ни објасни што правел овој објект во нашиот воздушен простор“, напиша Сибиха, пренесе украинска Правда.
For the blind Hungarian officials. Exact route of yesterday’s drone incursion from Hungary into Ukrainian air space. Our Armed Forces have gathered all of the necessary evidence, and we are still waiting for Hungary to explain what this object did in our airspace. pic.twitter.com/TsjdNPvC7y
— Andrii Sybiha 🇺🇦 (@andrii_sybiha) September 27, 2025
Унгарците вчера: Зеленски почнува да го губи разумот
Објавата доаѓа еден ден откако унгарскиот министер за надворешни работи, Петер Сијарто, изјави на Фејсбук дека претседателот Володимир Зеленски „почнува да го губи разумот“ поради, како што рече, антиунгарското расположение.
„Сега гледа чудовишта“, напиша Сијарто, реагирајќи на тврдењето на Зеленски дека извидувачките дронови го нарушиле воздушниот простор на Украина и веројатно им припаѓале на Унгарците. Украинскиот претседател, според прелиминарниот воен извештај, рече дека леталото дошло од Унгарија за да го испита индустрискиот потенцијал на пограничните области.
Киев и Будимпешта долго време имаат напнати односи. Унгарија е членка на Европската Унија и НАТО, две организации кои ја поддржуваат Украина во нејзината војна против Русија, но унгарскиот премиер Виктор Орбан е отворено скептичен кон западната воена помош за Киев и одржува блиски врски со рускиот претседател Владимир Путин.
© Vecer.mk, правата за текстот се на редакцијата
