Марија водела група туристи кога одеднаш ѝ се слошило во попладневните часови на ѕидините на едно од најпосетуваните места во светот, објави РТЛ.
Тажната вест за заминувањето на Марија ја споделија колегите, кои се збогуваа со неа со трогателни пораки на Фејсбук.
Според извештаите, Марија одеднаш се струполила и едноставно починала пред група туристи. Присутните веднаш истрчале да помогнат, како и работниците од археолошкиот парк. Екипите за итни случаи набрзо пристигнале, но Марија не можела да се спаси.
Марија долго време работела како туристички водич и најчесто водела тури низ Колосеумот.
Во времето на трагедијата, Марија била на првиот кат од Колосеумот, каде што е поставена постојаната изложба. Околу 17:30 часот, таа застанала на панел и им раскажала на туристите за историјата на Колосеумот, кога одеднаш останала без зборови и едноставно се струполила.
„Двајцата туристи кои први стигнаа до неа веднаш почнаа да ѝ го масираат срцето. Вработените во Колосеумот пристигнаа набрзо со дефибрилатор, но не можеа ништо да направат. Не се освести. Додека пристигна брзата помош, таа веќе беше мртва“, рече Изабела Руџеро, претседателка на Agta Guides.
Колегите и пријателите се збогуваа од срдечност со Марија. Тие напишаа дека таа секогаш била насмеана и многу посветена на својата работа.
„Во спомен на нашата Џована Марија Џормана, колешка која почина вчера во Рим, во Колосеумот од срцев удар поради ужасната жештина. Го додаваме нејзиното име на тажниот список на оние кои починале во нашата земја додека биле на работа. Ова е тажно за сите туристички водичи во Италија. Нека најде вечен мир“, напиша еден колега покрај нејзината фотографија.
© Vecer.mk, правата за текстот се на редакцијата
