Чушан беше осуден на смрт поради објави на Фејсбук кои се сметаа за навредливи кон претседателот на земјата, објави денес Ал Џезира.
Ослободувањето на Чушан, кое дојде по критиките од групите за човекови права, беше потврдено за медиумите од неговиот адвокат Осама Бутеља, како и од неговиот брат, Џамал Чушан.
Групата за човекови права Амнести Интернешнл соопшти дека Чушан е ослободен врз основа на „претседателско помилување“.
Бен Чушан, кој беше уапсен во јануари 2024 година, беше осуден на смрт од суд во Набел откако беше прогласен за виновен за „навреда на претседателот, министерот за правда и судството“ и ширење лажни вести.
Неговиот адвокат рече дека е „зачуден“ од смртната казна, за која групите за човекови права велат дека претставува застрашувачко ново ниво на репресија во Тунис.
Туниската група за човекови права CRLDHT, со седиште во Париз, изјави дека пресудата претставува „сериозен преседан“ и дека Тунис „достигнала невидено ниво на кршење на човековите права“.
© Vecer.mk, правата за текстот се на редакцијата
