„Црна сабота“ на патиштата низ Европа- во Франција колоната е долга над 1000 километри

Зголемен интензитет на сообраќајот е забележан денеска низ цела Европа поради летните одмори и заминувањето на туристите, колоквијално наречено „Црна сабота“, а сообраќајните метежи и редици достигнаа должина од над 1.000 километри во Франција.

Сообраќајот на патиштата во Франција, според BFM TV, беше дополнително забавен поради две несреќи на автопатот кон Медитеранот, односно атлантскиот брег.

Според податоците од Bizon Fite, француската агенција за следење на условите на патиштата, до 7 часот утрово редовите биле подолги од 200 километри, а до десет часот наутро редот бил подолг од 570 километри, а по 12 часот достигнал до 1.024 километри.

ℹ️#InfoTrafic #vacances #été #Weekend de chassé-croisé, mouvements très importants
La circulation au niveau national sera :
▫️En sens #départs
🟧Difficile les 1er et 03/08
⬛️Extrêmement difficile le 02/08
▫️En sens #retours
🟧Difficile le 02/08
➡️https://t.co/K00dK1qffk🛣️🚗 pic.twitter.com/2M1xNBHpq2

— Bison Futé (@BisonFute_MT) July 30, 2025

Како што е објавено, метежот е во согласност со прогнозите на оваа агенција, која предупреди на „екстремно тешки сообраќајни услови“ оваа сабота, а врвот на метежот се очекува околу пладне.

Сообраќајот кон Алпите е исто така интензивен и застоен, со задоцнувања од еден час и 45 минути во тунелот Монблан кон Италија.