Цената на суровата нафта Брент скокна за повеќе од седум проценти на околу 91 долар за барел, што е највисоко ниво од април 2024 година, а американската сурова нафта WTI (West Texas Intermediate) порасна за повеќе од 10 проценти на околу 89 долари за барел, објави Трејдинг Економикс.
Министерот за енергетика на Катар, Саад ал-Каби, изјави дека извозниците од земјите од Персискиот Залив ќе го запрат производството во рок од неколку дена доколку танкерите не можат да поминат низ Ормутскиот теснец.
Теснецот е клучна рута преку која обично се транспортираат околу 20 милиони барели нафта и нафтени производи дневно.
Во меѓувреме, тензиите остануваат високи откако Абас Арагчи изјави дека Иран не бара преговори.
Соединетите Американски Држави сигнализираа можни активности за ублажување на притисокот, вклучително и потенцијално ослободување на нафта од стратешките резерви, додека привремено ѝ дозволуваат на Индија да купи дел од руската сурова нафта што веќе е на море.
Саудиска Арабија ги зголеми цените на нафтата за азиските купувачи и ги пренасочи пратките преку пристаништата на Црвеното Море за да го заобиколат Ормутс.
© Vecer.mk, правата за текстот се на редакцијата
