Експлозијата, која се случила додека возило се движело по мост во Изтапалапа, густо населена населба на мегалополисот, исто така повредила 70 лица, вклучувајќи неколку со изгореници од втор и трет степен, според изворот.
Најмалку 19 од повредените претрпеле изгореници од втор и трет степен. Повредените биле згрижени во блиските јавни болници, а експлозијата предизвикала и голема материјална штета. Снимките емитувани на телевизија и социјалните медиуми го покажаа моментот на експлозијата. Таа била моќна и произвела огромни пламени видливи од далеку.
На снимката се гледа жена како држи бебе со видливи повреди на рацете и лицето.
-Од снимките од безбедносните камери знаеме дека луѓето гореле додека ги напуштале своите возила, изјави за новинарите Пабло Васкез, секретар за безбедност на главниот град.
Експлозијата оштетила и околу 28 возила, а обвинителите ја истражуваат причината. Цистерната, која превезувала речиси 50.000 литри гориво, се чини дека експлодирала откако се превртела на автопатот, изјави градоначалничката на Мексико Сити, Клара Бругада.
© Vecer.mk, правата за текстот се на редакцијата
