Тригодишно девојче ја уби својата едногодишна сестричка, откако во нивниот дом пронашла наполнет пиштол.
Кобното пукање дошло набргу откако таткото го оставил пиштолот во куќата. Во повик до полициската станица во тој град, Техеда рече дека неговата тригодишна ќерка ја застрелала нејзината помлада сестра. Операторот на итната помош го забележал таткото како го прашува детето „зошто го направи тоа“ и тврди дека ја убила нејзината сестра.
Кога наредникот на полициската управа Вичита пристигнал на местото на настанот, видел пожарникар кој носи дете надвор од куќата. Девојчето било пренесено во медицинскиот центар Весли, каде околу 21 часот и 30 минути била констатирана смрт, пренесува Мирор.
Според документите до кои дошол КАКЕ, сосед ѝ рекол на полицијата дека слушнал непознат маж како зборува на телефон за пукањето.
Подоцна пристигнала мајката на децата и била однесена на распит во полициска станица. Таа тврдеше дека Техеда ѝ се јавила преку FaceTime и ѝ кажала дека нивната ќерка ја застрелала нејзината едногодишна сестра. Мајката рече дека почнала да паничи и му рекла да се јави на 911 додека се враќала дома. Кога пристигнала, ја зела својата тригодишна ќерка која постојано повторувала дека ѝ е жал.
Техеда бил приведен во полициска станица и рекол дека ги чувал децата додека нивната мајка била надвор од куќата. Тој додаде дека децата спиеле и гледале телевизија додека тој заспал во дневната соба околу 18 часот.
Според извештајот до кој дојде телевизиската мрежа, Техеда се разбудил околу 20 часот и сфатил дека заспал со пиштол во футролата и дека го извадил и го ставил на каминот, за кој проценил дека е висок околу 1,2 метри.
Кога се разбудил по втор пат, наводно на полицијата ѝ рекол дека отишол во спалната соба да се пресоблече и дека додека се пресоблекувал слушнал силен истрел. Неколку секунди подоцна, неговата ќерка истрчала во собата плачејќи. Техеда наводно прашал што се случило и од каде дошол звукот. Девојчето наводно одговорило дека ѝ е жал и дека тоа е неговиот пиштол.
„Тој влегол во дневната соба и ја нашол својата едногодишна ќерка со прострелна рана во главата како лежи на каучот. Техеда рече дека го нашол својот пиштол на каучот до детето“, се вели во извештајот.
Таткото е обвинет за убиство од прв степен во сторено кривично дело, две точки за тешко загрозување на деца и недозволено поседување оружје како осуден за кривично дело.
Според Gun Violence Archive, база на податоци што собира информации за престрелки низ САД, 54 деца на возраст од 0 до 11 години се убиени во земјата од 1 јануари оваа година. Во текот на 2024 година починале 250 деца на иста возраст.
© Vecer.mk, правата за текстот се на редакцијата
