Администрацијата на поранешниот претседател Доналд Трамп започна со забрзана примена на депортациите, откако Врховниот суд донесе одлука во нејзина корист. Со ова, Министерството за домашна безбедност на САД доби зелено светло да враќа дел од нелегалните имигранти во трети држави – земји од кои не потекнуваат – без да им даде можност за итна жалба или останување.
Пресудата овозможува враќање на задржани лица од страна на Министерството за домашна безбедност, во земји што се подготвени да ги прифатат, дури и кога тоа не е нивната матична земја, освен ако не е изводливо, подобро или возможно да бидат вратени во нивната држава на потекло.
„Можеме да ја користиме нашата законска надлежност и да ги отстрануваме нелегалните мигранти во земји кои се подготвени да ги примат“, изјави Триша Меклахлин, помошник-секретар во ДХС, по одлуката на судот.
Вклучете ги авионите за депортација!
Врховниот суд ја прифати итната барање на Министерството за правда и го блокираше претходното решение на понискиот суд, кое бараше на имигрантите да им се даде можност за поднесување азил и евентуално да им се дозволи да останат во земјата.
Сепак, законот за имиграција во САД дозволува лице да биде испратено во трета земја само ако враќањето во својата матична земја е неизводливо, несоодветно или невозможно.
Трампова администрација беше тужена од граѓани на Куба, Хондурас, Еквадор и Гватемала, кои тврдеа дека властите ги отстрануваат мигрантите без соодветна процедура, што било спротивно на законот.
Одлуката на Врховниот суд е победа за безбедноста на американскиот народ. Администрацијата на Бајден дозволи милиони нелегални мигранти да влезат во земјата. Сега администрацијата на Трамп ќе ја користи својата неспорна надлежност за да ги отстрани овие криминални нелегални мигранти и да се справи со оваа криза на националната безбедност.
Главниот адвокатски тим што ги застапува тужителите, Алијансата за имиграциска правна борба, оценува дека оваа судска одлука ќе има "ужасни последици".
Со оваа пресуда се укинуваат kлучни гарантии за фер постапка кои ги заштитуваа нашите членови од тортура и смрт. Но, важно е да се знае дека судот, сепак, се фокусира само на тоа дали овие заштити може да се дадат на оваа рана фаза од процесот. Сега мораме што поскоро да го завршиме случајот и да ги вратиме овие права.
Во мај годинава, со медиумски извештаи се дозна дека администрацијата на Трамп планира да депортира нелегални мигранти дури и во земји од Источна Европа и Северна Африка, меѓу кои Либија и потенцијално Украина.
Овие нови договори и летови означуваат поширок напор за проширување на листата на земји што се подготвени да ги прифатат своите државјани, особено откако повеќе држави досега одбиваа да го сторат тоа.
Американските власти разговараат со околу 30 држави ширум светот, во кои би се вратиле лица депортирани од САД, според најновите извештаи.
Историски, Куба, Хаити, Никарагва и Венецуела одбивале да ги примат сопствените државјани, што ја принудувало САД да бара трети држави како алтернатива за депортација.
© Vecer.mk, правата за текстот се на редакцијата
