„За доброто на Иран, Блискиот Исток и САД, им кажавме на овие земји дека безбедно ќе ги изнесеме нивните бродови надвор од овие ограничени водни патишта“, напиша тој на социјалните мрежи, без да прецизира кои земји ќе добијат помош. Трамп рече дека секој кој ќе се обиде да се меша во процесот кој го нарече „проект слобода“, „ќе мора да се справи со сила“. Иран сериозно го ограничи сообраќајот низ виталниот воден пат за превоз откако започна војната во февруари. САД, исто така, воведоа поморска блокада на иранските пристаништа. Високиот ирански функционер на социјалните мрежи напиша дека „секое американско мешање“ ќе се „смета за кршење на прекинот на огнот“. Во објавата Трамп, исто така рече дека претставниците на САД водат „многу позитивни“ разговори со Иран и дека тие разговори „би можеле да доведат до нешто многу позитивно за сите“.
© Vecer.mk, правата за текстот се на редакцијата
