Американскиот претседател Доналд Трамп извади парче хартија од своето сако за време на гостувањето во емисијата „60 минути“ на Си-Би-Ес. Весникот наведува осум војни за кои Трамп тврди дека ги завршил.
„Донесов список. Погледнете го ова. Војни. Колку завршив. Камбоџа и Тајланд. Косово и Србија. Конго и Руанда. Пакистан и Индија. Тие соборија седум авиони. Израел и Иран, знаете? Египет и Етиопија. Етиопија изгради голема брана. Ерменија и Азербејџан. И ако погледнете, Израел и Хамас, што, знаете, е тешка ситуација“, рече Трамп.
„Јас завршив осум од девет војни. Знаете како ги завршив. Во 60 проценти од времето велев: „Ако не престанете да се борите, ќе воведам царини за вашите земји и нема да можете да работите со Соединетите Држави“, додаде тој.
Водителката Нора О'Донел го праша зошто таа тактика не функционира со рускиот претседател Владимир Путин.
„Мислам дека со Путин функционира. Со него се однесував поинаку бидејќи не работиме многу со Русија, знаете? Тој не е некој што купува многу од нас. Но мислам дека би му се допаднало тоа. Мислам дека сака да дојде и сака да тргува со нас и да заработува многу пари за Русија. Тоа ми се допаѓа“, одговори тој.
Водителката беше заинтересирана дали може да склучи договор со Путин во следните неколку месеци.
„Мислам дека ќе го направиме тоа, да. Мислам дека тој навистина сака да работи со Соединетите Држави. Тоа функционираше со Индија, и функционираше со Пакистан, и функционираше со 60 проценти од тие земји. Можам да ви кажам, ако не беа царините и трговијата, немаше да можам да работам“, нагласи Трамп.
© Vecer.mk, правата за текстот се на редакцијата
