„По завршувањето на војната, Израел ќе ја предаде Газа на САД. Палестинците… веќе ќе бидат преселени на многу побезбедни и поубави места во регионот, со нови и модерни домови“, напиша Трамп на неговата социјална мрежа „Truth Social“, дополнувајќи ја својата претходна контроверзна изјава за иднината на Газа.
„Нема да има потреба од американски војници!“, додаде Трамп.
Оваа изјава предизвика реакции кај политичките аналитичари и светските лидери, бидејќи не е јасно на кој начин САД би ја презеле контролата врз Газа и како би се реализирало преселувањето на палестинското население.
© Vecer.mk, правата за текстот се на редакцијата
