Трамп им порача на Иранците кои протестираат повеќе од една недела да продолжат и да ги преземат своите институции:
„Ирански патриоти, ПРОДОЛЖЕТЕ ДА ПРОТЕСТИРАТЕ - ПРЕЗЕМЕТЕ ГИ ВАШИТЕ ИНСТИТУЦИИ!!! Зачувајте ги имињата на убијците и насилниците. Тие ќе платат висока цена. Ги откажав сите состаноци со иранските претставници сè додека НЕ ЗАПРЕ БЕЗМИЛОСНОТО УБИВАЊЕ НА ДЕМОНСТРАНТИТЕ. ПОМОШТАТА Е НА ПАТ.МИГА!!!“ (Направете го Иран повторно голем)
Порано денес, двајца неименувани извори од Министерството за одбрана на САД изјавија дека Трамп е свесен за широк спектар на воени и тајни опции што би можеле да се користат против Иран, вклучително и мерки што одат подалеку од конвенционалните воздушни напади.
Според повеќе извори запознаени со ситуацијата, тимот за национална безбедност на Трамп денес ќе одржи состанок во Белата куќа за да разговара за ажурираните опции за Иран, но не е познато дали американскиот претседател лично ќе присуствува на состанокот, објави CBS News.
Претходно денес беше објавено дека околу 2.000 луѓе загинале во протестите во Иран.
Исто така, беше објавено дека Иран наводно планира да го погуби својот прв демонстрант по масовните апсења во врска со масовните антирежимски протести. Ерфан Солтани (26), кој беше уапсен минатата недела за време на протестите во Карај, во близина на главниот град Техеран, треба да биде обесен во среда, без фер судење, според организациите за човекови права.
Иран вети дека ќе му одржи на Доналд Трамп „незаборавна лекција“ ако САД извршат напади врз земјата.
© Vecer.mk, правата за текстот се на редакцијата
