Тој рече дека ситуацијата е тешка, но дека тие се обидуваат да ја решат.
„Се обидуваме да го решиме ова прашање. Завршив осум војни, ова ќе биде деветта, а нашите луѓе се во Русија токму сега за да видат дали можеме да постигнеме решение. Тоа е тешка ситуација“, рече Трамп на состанокот на кабинетот во Белата куќа.
Рускиот претседател Владимир Путин и специјалниот претставник на претседателот на САД, Стив Виткоф, разговараат во Москва. Посетата на Виткоф е негова шеста оваа година.
Медиумите известуваат дека на руската страна им се придружиле помошникот Јуриј Ушаков и генералниот директор на RFDIF и специјален претседателски претставник за инвестиции и надворешна економска соработка, Кирил Дмитриев.
Покрај Виткоф, американската страна ја претставува и Џаред Кушнер, зет на претседателот на САД.
© Vecer.mk, правата за текстот се на редакцијата
