Американскиот претседател Доналд Трамп изјави дека би можел да премести американски трупи од Германија во Полска, бидејќи Пентагон се подготвува да повлече околу 5.000 американски трупи од Германија во текот на следната година. „Полска би сакала да го стори тоа“, им рече Трамп на новинарите кога беше прашан за можноста.
„Имаме одлични односи со Полска. Имам одлични односи со претседателот. Го почитувам многу, па затоа е можно“, додаде тој.
Пентагон потврди претходно овој месец дека САД ќе повлечат 5.000 трупи од воените бази во Германија, спроведувајќи ја заканата што Трамп ја упати по судирот со германскиот канцелар Фридрих Мерц околу војната со Иран. Трамп подоцна предупреди дека Пентагон би можел „да го намали бројот на трупи за многу повеќе од 5.000“.
NEW: President Trump says that he “might” move U.S. troops from Germany to Poland.
— Fox News (@FoxNews) May 9, 2026
“Well Poland would like that. We have a great relationship with Poland. I have a great relationship with the president"
“I endorsed him, and he won, and he came from way behind, and he won. He's… pic.twitter.com/OulNJsKH8x
Полскиот претседател: Јас лично ќе лобирам кај Трамп
Полскиот претседател Карол Навроцки изјави во среда дека Полска е подготвена да ги прифати американските трупи повлечени од Германија и дека тој лично ќе лобира кај Трамп да ги испрати во источна Европа.
Полскиот премиер Доналд Туск предупреди во понеделник дека Варшава не треба да „киднапира“ војници од своите сојузници. Полскиот министер за одбрана и лидер на конзервативната Полска народна партија Владислав Косињак-Камиш денес ги поздрави изјавите на Трамп.
„Полско-американскиот сојуз е темел на нашата безбедност. Полска е подготвена да прифати повеќе американски војници со цел да го зајакне источното крило на НАТО и да обезбеди уште подобра заштита на Европа“, напиша тој на социјалната мрежа X.
© Vecer.mk, правата за текстот се на редакцијата
