Трамп ѝ даде 100 долари бакшиш на доставувачка- му однесе пакет сендвичи во Белата куќа (ВИДЕО)

Трамп ѝ ги предал парите на Шерон Симонс од Арканзас, а моментот го забележал фотограф од прес-тимот на Белата куќа.

Порака за данок на бакшиш

Настанот бил организиран за да се промовира одредба во републиканскиот закон со кој се ограничува данокот на бакшиш.

Симонс по испораката изјави дека мерката ѝ помага, но таа исто така ги истакна проблемите со зголемувањето на цените на горивата поради војната во Иран.

„Цените на горивата влијаат на сите нас. Тоа не е само наш проблем, тоа е проблем на сите“, рече таа.

Таа додаде дека DoorDash нуди одредени бенефиции за возачите.

„DoorDash е добра компанија, тие имаат програми за помош и разни стимулации за да ни помогнат да се справиме со цените на горивата. И „без данок на бакшиш“ исто така значи многу“, рече таа.

President Trump receives DoorDash McDonald's order and speaks with delivery driver: "I think you voted for me?"

Delivery driver: "Maybe." pic.twitter.com/WRRqlLhxOd

— CSPAN (@cspan) April 13, 2026

Што е DoorDash?

DoorDash е најголемата американска платформа за достава на храна и намирници, еквивалентна на услуги како Wolt или Glob. Основана во 2013 година во Сан Франциско, DoorDash држи повеќе од 65% од пазарот за достава во САД.

Како и нејзините европски конкуренти, работи преку апликација што ги поврзува клиентите, рестораните и доставувачите (кои ги нарекуваат „Dashers“).

Компанијата стана глобално препознатлива за време на пандемијата, а денес нуди и достава од продавници, аптеки и цвеќарници. Главната разлика во споредба со европскиот пазар е исклучително силната култура на давање бакшиш, кој во САД често сочинува значаен дел од вкупната заработка на возачот на достава.

Портпаролот на DoorDash, Џулијан Кроули, изјави дека компанијата започнала програма за итна помош што вклучува 10 проценти враќање на парите од трошоците за гориво и неделни плаќања врз основа на километража.