За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Јас сум тој што ќе ја спаси земјата, а тие се тие што ја уништуваат - и внатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата. „Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. Јас би можел да го направам тоа, многу подобро од нив, но не го правам тоа“, рече Трамп.
Си-Ен-Ен вели дека Трамп често користи „запалива“ реторика за да ги нападне политичките ривали, судиите кои ги надгледуваат неговите кривични случаи, обвинителите кои го обвинија, имигрантите без документи, луѓето кои не ја поддржуваат неговата кампања и други.
Трамп, исто така, вети одмазда доколку биде реизбран за претседател и постојано сугерираше дека ќе го користи правосудниот систем како оружје за гонење на неговите политички противници.
Трамп неодамна се закани со гонење и „долги затворски казни“ за изборните функционери и политичарите кои може да мамат на изборите во 2024 година.
© Vecer.mk, правата за текстот се на редакцијата
