Американскиот претседател Доналд Трамп го изрази својот гнев поради неодамнешните украински напади што го оневозможија рускиот нафтовод „Дружба“, кој е клучен за снабдување на Унгарија и Словачка, две членки на НАТО алијансата, пишува „Њузвик“.
Додека Киев и европските сојузници се обидуваат да ја задржат поддршката на Трамп и да го притиснат да заземе поцврст став кон Русија, Москва му испраќа и понуди, надевајќи се на поблиски и попрофитабилни врски со Соединетите Американски Држави.
Постојаните напади од двете страни го фрустрираа Трамп, кој се нарекува себеси миротворец и се стреми да ја заврши војната што одзеде стотици илјади животи и уништи голем дел од Украина откако започна руската инвазија во февруари 2022 година.
Унгарскиот премиер Виктор Орбан сподели рачно напишана порака од својот политички сојузник Трамп во приватна Фејсбук група, објави унгарскиот весник „Маѓар Немзет“. За разлика од повеќето нејзини сојузници од ЕУ и НАТО, Унгарија се стреми да ја одржи неутралноста во војната и да ги одржува односите со Москва, и се спротивставува на влезот на Украина во Европската Унија.
„Не ми се допаѓа ова“
Во писмото, Орбан му се пожали на Трамп за нападите врз „Дружба“ и нивното влијание врз унгарската енергетска безбедност. Украина изјави дека гасоводот ги снабдува и руските инвазиски сили, што го прави легитимна воена цел.
„Викторе - не ми се допаѓа ова“, напиша Трамп во пораката. „Многу сум лут поради тоа. Кажи ѝ на Словачка. Ти си мој голем пријател.“
Пораката ја сподели на социјалната мрежа X Андраш Ласло, унгарски пратеник во Европскиот парламент од партијата Фидес на Орбан, кој нагласи дека нападот ја поткопува енергетската безбедност на двете членки на ЕУ и НАТО.
Donald Trump condemned Ukraine’s recent attack on the Druzhba oil pipeline, which undermines the energy security of two EU and NATO member states, Hungary and Slovakia.
— András LÁSZLÓ MEP 🇭🇺 (@laszloan) August 22, 2025
For historical and geographical reasons, our countries have no alternative means of importing oil other than… pic.twitter.com/qkfebGA0IU
„Унгарија ја поддржува Украина со електрична енергија и бензин“
Во изјава на која Трамп одговори, Орбан истакна дека украинските напади се случиле само неколку дена пред историската средба во Алјаска меѓу Трамп и рускиот претседател Владимир Путин. Вчера, Украина повторно ја нападна Дружба.
„Овој гасовод ги снабдува Унгарија и Словачка, две земји кои немаат друг начин да увезуваат сурова нафта“, рече Орбан. „Унгарија ја поддржува Украина со електрична енергија и гас, а за возврат го бомбардираат нафтоводот што нè снабдува. Многу непријателски потег! Му посакуваме на претседателот Трамп успех во неговата потрага по мир.“
„Можете да испраќате жалби и закани до вашите пријатели во Москва“
Одговарајќи на претходните жалби од унгарската влада, украинскиот министер за надворешни работи Андриј Сибиха објави на X дека Русија, а не Украина, ја започнала оваа војна и одбива да ја заврши.
„На Унгарија со години ѝ се кажува дека Москва е несигурен партнер“, додаде Сибиха. „Сепак, Унгарија вложи максимални напори да ја одржи својата зависност од Русија. Дури и откако започна војната. Сега можете да ги испраќате вашите жалби - и закани - до вашите пријатели во Москва“.
Peter, it is Russia, not Ukraine, who began this war and refuses to end it. Hungary has been told for years that Moscow is an unreliable partner. Despite this, Hungary has made every effort to maintain its reliance on Russia. Even after the full-scale war began. You can now send… https://t.co/yvMq8slTG0
— Andrii Sybiha 🇺🇦 (@andrii_sybiha) August 18, 2025
© Vecer.mk, правата за текстот се на редакцијата
