К. К. (17) е осомничена дека го пресретнал Ф. О. додека се спремал да ги однесе децата на училиште. Осомничениот испукал четири куршуми кон директорот среде улицата. Несреќниот маж се струполил на улицата со тешки повреди, додека напаѓачот избегал, објави Седарњуз.
Се сомнева дека К. К. е син на човек кој е раководител на мензата во училиштето кое го води Ф. О.. На обидот за убиство наводно му претходела расправија помеѓу Ф. О. и таткото на осомничениот околу договор, по што училиштето наводно ја прекинало соработката со таткото на К. К.
Според исказите на очевидци, Ф. О. се приближувал кон автомобил со три деца кога еден тинејџер им се приближил, извадил пиштол што го скрил под облеката, а потоа ладнокрвно почнал да пука во Ф. О. додека децата врескале.
School Principal Shot in Front of His Children in Denizli, Turkey https://t.co/hs4llT009Z pic.twitter.com/k5MP5ELPV7
— Cedar News (@cedar_news) October 16, 2025
Откако испукал четири куршуми, кои го погодиле Ф. О. во рацете и нозете, осомничениот избегал по улицата и сè уште се трага по него.
Екипите на итната помош му укажале помош на Ф. О. и го пренеле во најблиската болница, каде што веднаш бил однесен во операциона сала. Според првичните информации, неговиот живот не е во опасност.
© Vecer.mk, правата за текстот се на редакцијата
