Според предупредувањето, Иран го задржува правото да преземе сите потребни мерки за заштита на својот суверенитет, објавуваат Новините.
„За жал, и покрај изјавите на бугарските власти дека распоредувањето на неколку авиони-цистерни на меѓународниот аеродром Васил Левски е дел од планирана воена вежба, како и присуството на американски воени авиони (12 авиони), тие се користат за поддршка и полнење гориво на бомбардерите во заедничката американско-ционистичка агресија против Република Иран“, се вели во иранското соопштение.
Иран соопшти дека го задржува правото да преземе сите мерки за заштита на своите национални интереси.
„Зошто нелегитимниот Андреј Ѓуров ги крие овие информации? Што чекаме, да падне балистичка ракета? Ќе пристигне за девет минути“, рече Станислав Балабанов од партијата ITN (Постои таков народ), кој ја објави содржината на нотата.
Тој побара привремениот премиер на Бугарија, Андреј Ѓуров да биде разрешен и заменет со нов.
© Vecer.mk, правата за текстот се на редакцијата
