Централниот дел на Тексас го погодија разорни поплави со трагични последици. Животот го загубија најмалку 51 лице, од кои 15 се деца. Спасувачките тимови интервенираа навремено и извадија од опасност околу 850 луѓе, но потрагата по исчезнатите и понатаму е во тек, особено по должината на реката Гуадалупе и во реонот на Кер, каде што се соочуваат со најтежок предизвик.
Особено трагичен е настанот во летното кампувалиште „Камп Мистик“, каде што 27 деца, главно под 12-годишна возраст, сè уште се водат како исчезнати.
Поплавата пристигнала ненадејно – нивото на реката се искачило повеќе од 8 метри за само еден час, во момент кога најголем дел од присутните спиеле.
Сликите од местото покажуваат хаос: калливи душеци, детски играчки и урнати сместувачки објекти сведочат за драмата што се одвивала.
Во обид да се справи со состојбата, гувернерот Грег Абот издаде проширена вонредна состојба, додека на федерално ниво е истиот координирана поддршка за настраданите области.
Надлежните служби предупредуваат дека временските услови остануваат неповолни и се можни нови поројни дождови до крајот на викендот. Заедницата е во тага и неизвесност, а денеска ќе се одржи специјална миса во Католичката црква Нотр Дам во чест на жртвите и исчезнатите лица.
© Vecer.mk, правата за текстот се на редакцијата
