Тајван се подготвува за најмасовната процедура за опозив на пратеници во својата историја, додека владејачката Демократска прогресивна партија се обидува да смени десетици опозициски законодавци од Парламентот.
Поддржувачи на левичарската Демократска прогресивна партија иницираат отповикување на 31 член од конзервативната опозициска партија Куоминтанг во законодавниот дом.
Граѓаните во 24 изборни единици оваа сабота ќе гласаат дали да ги задржат своите пратеници или да ги сменат. За останатите пратеници ќе се гласа во август.
Веќе со месеци, владата на претседателот Лаи Чинг-те од ДПП се жали дека не може да ги реализира своите политики поради блокадите на Куоминтанг, кој ја држи контролата во парламентот.
Куоминтанг често коалицира со малата централно-левичарска „Партија на народот на Тајван“ за да ги блокира иницијативите на ДПП.
Во петокот, парламентот ги одби сите седум кандидати за судии во Уставниот суд, номинирани од претседателот Лаи. Тој го оцени ова одбивање, предводено од Куоминтанг, како „многу разочарувачко и загрижувачко“.
Прогресивните сили од Тајван го обвинуваат Куоминтанг дека има блиски врски со Кина, поради спротивставените ставови за односите меѓу Тајван и Кина.
Куоминтанг го смета Тајван, официјално наречен Република Кина, за единствен легитимен наследник на претходната кинеска влада. Тие признаваат и Тајван и копното како „една Кина“, но не прифаќаат спојување под власт на Комунистичката партија.
Демократската прогресивна партија, напротив, го гледа Тајван како самостојна држава, независна од копното. Оваа партија ја темели сувереноста на Тајван на волјата на народот, а не на историјата на претходната кинеска власт.
Обвинувањата за скриени односи со Комунистичката партија на Кина се постојана тема во тајванската политика, каде што заканата од потенцијална инвазија од копното и натаму ја загрижува јавноста.
Овие обвинувања не се без основа — годинава членови и на Куоминтанг и на ДПП беа уапсени под сомнеж за скриена соработка со кинеските комунисти. Меѓу осомничените се најдоа и парламентски службеници, членови на тинк-тенкови и други политички соработници.
Критичарите на ДПП го обвинуваат Лаи и неговата партија дека го користат опозивот како алатка за да ги исфрлат легално избраните опозициски пратеници.
Претседателот на Куоминтанг, Ерик Чу, во петокот предводеше протест против опозивот, нарекувајќи ја целата постапка „политичка фарса режирана од претседателот Лаи“.
Оставете ѝ на владата да си ја врши работата, нека Лаи Чинг-те размисли, парламентот да ја надгледува властта како што треба, а народот нека живее во мир.
Доколку прогресивците отповикаат доволно членови на Куоминтанг за да добијат мнозинство во парламентот, очекувано е итно да почнат да ги спроведуваат своите политики.
Дополнително, повеќе тајвански партии се соочуваат со истраги за кинеска шпионска активност, откако дел од нивните членови беа обвинети за соработка со комунистичка Кина.
Локалните референдуми и дополнителни избори ќе се одржат кон крајот на август, при што дел гласачи ќе треба повторно да излезат на избори само еден месец по отповикувањето.
Во меѓувреме, Тајван продолжува да ја зајакнува својата одбрана од потенцијална инвазија од копното, бидејќи сè повеќе се сомнева дека Соединетите Држави би интервенирале со воена заштита доколку дојде до напад.
© Vecer.mk, правата за текстот се на редакцијата
