Основачот на „Бриџвотер“, најголемиот хеџ фонд во светот, милијардерот и економски аналитичар Реј Далио изјави дека е загрижен дека нестабилноста предизвикана од царинските и економските политики на претседателот Доналд Трамп би можела да ја загрози глобалната економија.
„Во моментов сме на пресвртна точка и сме многу блиску до рецесија“, рече Далио во емисијата „Meet the Press“ на NBC. „И ако ова не се реши правилно, се грижам дека може да се случи нешто полошо од рецесија.“
„Трамп се заканува со колапс на светскиот поредок“
Далио рече дека повеќе од самата рецесија, тој е загрижен за трговските нарушувања, растечкиот долг на САД и подемот на новите светски сили, кои, според него, се закануваат да ја урнат меѓународната економска и геополитичка структура што постои од крајот на Втората светска војна.
„Се движиме од мултилатерализам, што во суштина е американскиот светски поредок, кон едностран свет со големи конфликти“, рече Далио.
Тој додаде дека пет сили го обликуваат текот на историјата: економија, внатрешни политички конфликти, меѓународни односи, технологија и природни катастрофи како што се поплави и пандемии. Иако целите на царините на Трамп може да бидат разбирливи, Далио тврди дека тие се спроведуваат на „многу деструктивен начин“ што предизвикува глобален конфликт.
Пазарите сè уште се потресени
This is a great time for all involved to reconsider their approaches! There are better and worse ways of handling our problems with unsustainable debt and imbalances, and President Trump's decision to step back from a worse way and negotiate how to deal with these imbalances is…
— Ray Dalio (@RayDalio) April 10, 2025
Непредвидливите царински одлуки на Трамп ја потресоа меѓународната трговија. Во среда, земјата објави 90-дневна пауза на своите тарифи, но ја задржа основната тарифа од 10%, како и дополнителни 145% за увоз од Кина.
После тоа, Царинската и гранична заштита на САД во петокот вечерта објави дека прави исклучок за одредени кинески производи за широка потрошувачка, како што се паметни телефони, компјутери и полупроводници. Сепак, царината од 20% воведена претходно оваа година сè уште важи за овие производи.
Министерот за трговија Хауард Лутник изјави дека ова ослободување не е трајно, што дополнително ја зголемува неизвесноста на пазарот, пренесува Index.hr.
„Вредноста на парите е во опасност“
Во објава на мрежата X оваа недела, Далио ги повика САД да постигнат трговски договор „win-win“ со Кина, што би довел до зајакнување на јуанот во однос на доларот. Тој, исто така, ги повика двете земји да се справат со нивните растечки долгови.
Последиците ќе бидат полоши од едноставна рецесија“
Во емисијата на NBC, тој повтори дека Конгресот мора да го намали буџетскиот дефицит на 3% од БДП, што претходно го нагласи на конференцијата на CNBC во март.
„Ако не го сторат тоа, ќе се соочиме со проблем со понудата и побарувачката на долгот, додека се справуваме со други проблеми, а последиците од тоа ќе бидат полоши од нормална рецесија“, предупреди Далио.
Тој додаде дека во таков сценарио, самата вредност на парите би можела да биде доведена во прашање. Комбинацијата од нарушувања на пазарот на обврзници со домашни и меѓународни конфликти, вели тој, би можела да предизвика поголем удар врз монетарниот систем од укинувањето на златниот стандард во 1971 година, под претседателот Ричард Никсон, или финансиската криза во 2008 година.
Далио верува дека такво сценарио сè уште може да се избегне, но само ако политичарите работат заедно за намалување на дефицитот и ако САД избегнуваат конфликти и неефикасни политики на глобалната сцена.
© Vecer.mk, правата за текстот се на редакцијата
