Разорниот тајфун напладне го погоди брегот на северните провинции на Виетнам, откорнувајќи илјадници дрвја и однесувајќи бродови, објави VNExpress. Метални покриви и билборди летаа низ градот Хаифонг поради силните ветрови и силниот дожд што го носи тајфунот.
Според државните медиуми, маж загинал во провинцијата Хаи Дуонг откако силните ветрови урнале дрво. „Не сум видел толку силен тајфун со години“, изјави за AFP Тран Ти Хоа, 48-годишен жител на Хаифонг.
Typhoon Yagi has made landfall in Vietnam. This is in Hai Phong. The winds must be something else to shift those containers 👀👀 pic.twitter.com/UBPbSH7olf
— Volcaholic 🌋 (@volcaholic1) September 7, 2024
Пред да удри на копното, тајфунот откорна стотици дрвја на островот Ко То. Силниот ветер ги откорна покривите на неколку деловни згради, училишта и домови.
Според локалните власти, ова е најсилниот тајфун регистриран на островот во последните децении.
Премиерот на Виетнам Фам Мин Чин ги повика локалните власти да ги евакуираат жителите од опасните области.
Четири аеродроми на северот на земјата, вклучувајќи го и меѓународниот аеродром во главниот град Нои Баи, се затворени, а од вчера е забранет превозот.
© Vecer.mk, правата за текстот се на редакцијата
