Министерот за одбрана Борис Писториус ќе остане на функцијата, Бербел Бас ќе го преземе Министерството за труд, а Карстен Шнајдер Министерството за заштита на животната средина и нуклеарна безбедност.
Како што пренесува „Шпигел“, ко-лидерот на СПД Ларс Клингбајл (47) ќе стане вицеканцелар и федерален министер за финансии, Верена Хуберц (37) ќе биде федерална министерка за домување, урбан развој и градежништво, а Штефани Хубиг (65) федерална министерка за правда и заштита на потрошувачите.
Елизабет Кајзер (38) ќе биде државна министерка и комесарка на федералната влада за миграции, бегалци и интеграција, Натали Павлик (32) државна министерка и комесарка на федералната влада за Источна Германија, а Рим Алабали-Радован (35) федерална министерка за економска соработка и развој. Ко-лидерката на СПД Саскија Ескен не беше разгледувана за министерска функција, а се смета дека веројатно нема да остане на чело на партијата.
СПД минатата недела со Демохристијанската унија (ЦДУ) и Христијанската социјална унија (ЦСУ) склучи договор за коалициона влада, откако ЦДУ и ЦСУ дадоа согласност на документот под наслов „Одговорност за Германија“.
© Vecer.mk, правата за текстот се на редакцијата
