Конгломератот DGMT, кој е сопственик на весникот „Дејли меил“, денеска објави дека се согласил да го купи конкурентскиот весник „Телеграф“ за 500 милиони фунти, што би претставувало спојување во една од најмоќните десничарски медиумски групи во Велика Британија.
Договорот бил постигнат една недела откако американската инвестициска компанија „РедБирд Капитал Партнерс“ ја повлече својата понуда за „Телеграф“, еден од најголемите британски весници.
Извор близок до „РедБирд“ за „Ројтерс“ изјави дека постојаното противење од страна на високите членови на редакцискиот одбор на „Телеграф“ ја натерало инвестициската фирма да се откаже од купувањето.
Создавање десничарска медиумска група
Луѓе блиски до преговорите рекоа дека вредноста на трансакцијата била приближно 500 милиони фунти. „Фајненшл тајмс“ објави дека цената била одредена за да може „Телеграф“ да ги врати парите што претходно ги инвестирал „РедБирд“.
Страните влегоа во период на ексклузивност за да ги финализираат условите на трансакцијата и да ја подготват потребната документација, која очекуваат брзо да се реализира.
Портпаролот на RedBird IMI изјави: „DMGT и RedBird IMI работеа брзо за да го постигнат договорот објавен денес, кој наскоро ќе биде доставен до министерството“.
© Vecer.mk, правата за текстот се на редакцијата
