„Како резултат на глобалното затоплување предизвикано од човекот, екстремните топлотни бранови стануваат сè почести и поинтензивни. Ова е нешто со што мора да научиме да живееме“, изјави портпаролката на СМО, Клер Нулис, на прес-конференција во Женева.
Нулис објасни дека иако јули е обично најжешкиот месец во годината на северната хемисфера, сегашните топлотни бранови се невообичаени толку рано во летната сезона, објави БФМ.
Во исто време, Европа се соочува со силен топлотен бран, при што се очекува температурите да достигнат 36 степени Целзиусови во Париз оваа недела и 40 степени во делови од јужна Франција.
Француската влада издаде предупредување за екстремна топлина за 84 департмани, а Ајфеловата кула е затворена за посетители.
© Vecer.mk, правата за текстот се на редакцијата
