Предупредувањето на Хегсет доаѓа во време кога САД повторно ги отвораат разговорите со Иран за неговата нуклеарна програма.
Американските и иранските преговарачи претстојниов викенд повторно ќе се сретнат, овој пат во Рим.
„Порака до ИРАН. Ја гледаме вашата СМРТОНОСНА поддршка за Хутите. Знаеме точно што правите“, напиша Пит Хегсет на X. „Вие многу добро знаете за што е способна американската војска - и сте предупредени. Ќе ги претрпите ПОСЛЕДИЦИТЕ во време и место што ние ќе го избереме.“, напчиша министерот за одбрана во сериозното предупредување до Иранците.
Хегсет подоцна, на својот личен профил на X, ја објави пораката на Доналд Трамп за Truth Social од март во која американскиот претседател рече дека ќе го смета Иран за одговорен за сите напади извршени од Хутите.
САД досега извршиле над е.000 напади врз цели на Хутите, откако во март ги засилија нападите против оваа група.
Американската војска ги зголеми своите ресурси во последните недели за зајакнување на Блискиот Исток. Пентагон распореди шест бомбардери Б-2 на островот Диего Гарсија во Индискиот Океан, што експертите велат дека е идеална позиција за операции на Блискиот Исток.
Покрај тоа, САД моментално имаат два носачи на авиони на Блискиот Исток и преместија системи за воздушна одбрана од Азија во регионот.
© Vecer.mk, правата за текстот се на редакцијата
