Тестовите беа спроведени вчера, објави државната новинска агенција КЦНА. Јужнокорејската војска соопшти дека Пјонгјанг испалил неколку балистички ракети со краток дострел, помалку од 300 километри, и артилериски ракети од областа околу северозападниот град Џонџу.
Лансирањата беа „дел од планот за модернизација на артилеријата и ракетните сили за да се постигне петгодишната цел за развој на националната одбрана“, соопшти KCNA.
„Тестовите ја анализираа и оценија моќта на боевата глава на тактичка балистичка ракета со специјална намена, сигурноста на... артилериска ракета со продолжен дострел што користи високопрецизен автономен навигациски систем и точноста на тактичка крстосувачка ракета водена од вештачка интелигенција“, додаде агенцијата.
🚨🇰🇵North Korea tests new AI-guided cruise missile
— Sputnik India (@Sputnik_India) May 27, 2026
This 240mm guided artillery rocket is capable of hitting targets up to 100 km away using autonomous navigation and terrain-matching technology.
The weapon system was tested under Kim Jong-un’s personal supervision. pic.twitter.com/yuDQm9ee16
Ким наводно ги пофалил тестовите, велејќи дека тие се показатели за технички напредок во зајакнувањето на борбената моќ на Северна Кореја. Тоа беше осмиот тест на балистичка ракета на Пјонгјанг оваа година. Северна Кореја последен пат испали неколку ракети со краток дострел на 19 април.
© Vecer.mk, правата за текстот се на редакцијата
