Портпаролот на севернокорејското Министерство за одбрана во соопштението вели дека присуството на американски стратешки бомбардери во регионот станало „редовна воена практика“, опишана од Пјонгјанг како „неразумен блеф“.
Бомбардерите Б1-Б летаа над Корејскиот полуостров како дел од заедничките вежби меѓу американските и јужнокорејските воздушни сили во вторникот заедно со борбени авиони, објави тогаш јужнокорејското Министерство за одбрана.
Во последните години, овие борбени авиони учествуваа во вежби кои Северна Кореја постојано ги прогласува за проба за војна против Пјонгјанг. Во исто време, Сеул изјавува дека вежбите се чисто одбранбени.
-Неодамнешните воени маневри се јасна закана за безбедноста на нашата земја, се вели во соопштението на Министерството за одбрана на Северна Кореја.
© Vecer.mk, правата за текстот се на редакцијата
