logo
logo
logo

Седумдневна жалост во родната Аргентина,иако претседателот Милеј го навредуваше папата Франциск

Vecer | 21.04.2025

Седумдневна жалост во родната Аргентина,иако претседателот Милеј го навредуваше папата Франциск

Претседателот на Аргентина, Хавиер Милеј изрази сочувство за смртта на папата. Односите меѓу папата Франциско и претседателот Милеј на почетокот беа затегнати, но со текот на времето се подобрија, објави Ројтерс.

Милеј, кој ја презеде функцијата во 2023 година, остро го критикуваше папата за време на неговата изборна кампања, нарекувајќи го „имбецил кој ја брани социјалната правда“, „језуит кој го промовира комунизмот“ и „претставник на корупцијата на Земјата“.

Овие изјави го одразуваа слободарскиот и антикомунистичкиот став на Милеј, кој беше во спротивност со посветеноста на Папата за социјална правда и грижа за сиромашните.

Сепак, папата Франциск, исто така Аргентинец, според кардиналот Виктор Мануел Фернандез, не ги сфатил лично зборовите на Милеј, туку ги сметал за дел од кампањата.

По изборната победа на Милеј, дојде до пресврт во нивната врска, тие се сретнаа во Ватикан на 11 февруари 2024 година, по повод канонизацијата на првиот аргентински светец, каде срдечно се прегрнаа. Милеј подоцна изјавил дека почнал да гради позитивни односи со Франциск, нарекувајќи го „најважниот аргентински и католички лидер во светот“.

По повод смртта на папата Франциск денеска, Милеј му оддаде почит и изјави дека му претставувало голема чест што се сретнал со папата.

© Vecer.mk, правата за текстот се на редакцијата

TailoredCV
logo

Vecer.mk е прв македонски информативен портал, основан во 2004 година.

2004-2025 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2025. Vecer.mk