Според NHRC, готвачот го отстранил мртвото животно, па продолжил да го дели оброкот. Инцидентот со змијата се случил во градот Мокам во индиската држава Бихар, каде што наводно ручек им бил послужен на околу 500 ученици, објави Си-Ен-Ен.
Кога децата почнале да покажуваат знаци на труење, мештаните го блокирале патот во знак на протест.
„Одборот смета дека содржината, доколку е вистинита, укажува на сериозно кршење на човековите права на учениците“, се вели во соопштението на NHRC.
Тие исто така побараа детален извештај во рок од две недели од одговорните државни службеници, кој треба да ја вклучи и здравствената состојба на децата.
Школските ручеци во Индија, познати како „пладневен оброк“, за прв пат беа воведени во 1925 година во градот Ченај (Мадрас) со цел борба против гладот и зголемување на посетеноста на училиште од децата од сиромашни семејства.
Денес, програмата е еден од најголемите вакви системи во светот, но со години се соочува со поплаки за хигиената на храната.
Во 2013 година, училишните оброци беа поврзани со смртта на 23 ученици во државата Бихар. Потоа полицијата извести дека научните тестови откриле многу високи нивоа на пестициди во храната.
© Vecer.mk, правата за текстот се на редакцијата
