Во објава на платформата Truth Social, Трамп рече дека „работите се навистина одлични“, без да прецизира колкав процент на поддршка добил.
„Иако мојата одлична работа во економијата сè уште не е целосно ценета, ќе биде! Запирањето на војните и надворешните работи поставува силен пример. Исто така, одлично е со границите и запирањето на криминалот. Предвидувам дека економијата, која веќе е со најбрзо темпо досега, а цените нагло паѓаат поради катастрофата на Бајден, наскоро ќе бидат на врвот на листата. Да ја направиме Америка повторно голема“, рече Трамп.
Според резултатите од анкетата на Ројтерс/Ипсос, која Ројтерс ја објави на 18 ноември, рејтингот на американскиот претседател Доналд Трамп паднал на 38 проценти, најниско ниво откако се вратил на власт, објави Њујорк Тајмс.
© Vecer.mk, правата за текстот се на редакцијата
